<$BlogRSDUrl$>

26 febrúar 2004

Kotasælubollur

2 tsk þurrger
1 1/2 dl volgt vatn
1 dl kotasæla
4 dl hveiti
1/2 dl klíð
1 tsk sykur
1 msk matarolía

1. Blandaðu öllu saman og hnoðaðu vel.
2. Mótaðu 12 jafnstórar bollur úr deiginu og penslaðu/úðaðu vatni yfir bollurnar.
3. Settu sesamfræ ofan á þær ef vill og láttu bollurnar lyfta sér.
4. Bakaðu bollurnar við 225°c í miðjum ofni í 12-15 mínútur.

Jógúrtmuffins

2 1/2 bolli hveiti
2 bollar sykur
125 gr brætt smjörlíki
3 egg
1/2 tsk natron
1/2 tsk salt
1 tsk vanilludropar
1 dós jógúrt
1 bolli brytjað súkkulaði

1. Allt hrært saman.
2. Látið í pappírsform.
3. Bakað í u.þ.b. 15 mínútur við 200°c.


Hakkbollur

300 gr hakk
1 egg
Hálfur pakki Ritz-kex
2 bréf kjúklingasúpuduft (bollasúpa)

1. Hrærið öllu saman í skál.
2. Mótið litlar bollur.
3. Steikið á pönnu.

Gott að hafa hrísgrjón og súrsæta sósu með.

Berlínarbollur

40 gr smjörlíki
30 gr sykur
1 egg
1 dl mjólk
2 tsk þurrger
250 gr hveiti
Palmínfeiti

1. Hrærið smjörlíki og sykur saman í hrærivél og setur eggið saman við. Setjið helming af hveitinu og gerið út í deigið og mjólkin.
2. Deigið er tekið úr hrærivélinni og afgangurinn af hveitinu hnoðaður saman við.
3. Deiginu er skipt í tvær kökur og önnur er flött út og með glasi eru mótaðar kringlóttar kökur. Hálf teskeið af sultu er sett á hverja köku.
4. Hinn helmingur deigsins er flattur út og lagður ofan á. Kökur mótaðar undan glasi ofan á hinar og þá á sultan að vera á milli. Límið brúnir vel saman með gaffli.
5. Látið bollurnar lyfta sér í 10-15 mínútur.
6. Steikið eins og kleinur í heitri fitu og oftast er kökunum velt upp úr sykri á eftir. Sumir strá á þær flórsykri eða setja á þær glassúr.


Rommý ísterta

2 eggjarauður
3 msk sykur
1 peli rjómi
1/2 dl kalt kaffi
5 stykki Rommý

1. Þeytið eggjarauður og sykur saman í hvítan massa.
2. Léttþeytið rjómann.
3. Brytjið Rommý smátt.
4. Blandið öllu saman og frystið.
Mokka-sorbet

4 bollar vatn
1 bolli sykur
1/2 bolli ljóst sýróp
3/4 bolli kakóduft
1 msk instant kaffiduft
2 bitar suðusúkkulaði, saxað

1. Blandið vatni, sykri, sýrópi, kakói, kaffidufti og súkkulaði í pott. Látið sjóða í pottinum þar til sykurinn leysist upp, u.þ.b. 5 mínútur.
2. Setjið svo í bökunarform og inn í frysti í 2 1/2 klst eða þar til blandan er til.
3. Setjið blönduna þá í mixara í 1 mínútu (ekki lengur), þar til það er mjúkt. Setjið aftur í formið og frystið í 1 klukkustund.
4. Endurtakið nr. 3 og frystið svo í 1 1/2 klukkustund.

Heit íssósa með piparmyntusúkkulaðibragði

2 1/2 dl rjómi
50 gr dökkt súkkulaði
15 After Eight plötur

1. Hitið saman rjóma og Aftert Eight í potti. Hrærið vel. Látið sjóða í 2-3 mínútur og takið þá af hitanum.
2. Súkkulaðið er brætt í sósunni. Látið standa í smástund.

Berið fram volga.


Epla- og kanilís

3 eggjarauður
3 dl kaffirjómi
2 dl eplamauk
1/2 dl sykur
2 tsk kanill

1. Stífþeytið eggjahvíturnar.
2. Hrærið saman rjóma, eplamauki, sykri og kanil og bætið eggjahvítunum varlega saman við.
3. Setjið í frysti og hrærið í öðru hverju eða setjið í ísvél.
4. Þennan ís er gott að vera fram með eplum eða ískexi.


Rabbabarasulta m/ jarðarberjum

Þessi er alveg ofsalega góð ofan á ristað brauð og á vöfflur!!

500 gr rabbabari
500 gr jarðarber
400 gr sykur

1. Allt sett í pott og hitað. Hrært í á meðan sykurinn er að leysast upp, passaað hann brenni ekki.
2. Þegar suðan er komin upp skulið þið sjóða sultuna þar til jarðarberin eru komin í sundur, u.þ.b. 10-20 mínútur.
Rabarbarabaka

500 gr rabarbari
2 msk rifsberjahlaup
100 gr tvíbökur
100 gr púðursykur
50 gr rúsínur
100gr möndlur
75-100 gr smjör

1. Hreinsið og skolið rabarbaraleggina, skerið þá í smábita og setjið þá í tertu-/eldfast mót smurt með rifsberjahlaupi. Vætið rabarbarann með 1 msk af vatni, byrgjið með álpappír og bakið við 225°c í 8-10 mínútur.
2. Myljið tvíbökur og blandið þær púðursykri, rúsínum og grófsöxuðum möndlum. Jafnið blöndunni yfir rabarbarann, dreypið bræddu smjöri á og hafið í ofninum í 15-20 mínútur eða þar til yfirborðið verður stökkt og tekur lit.

Möndlu- og ferskjusulta

4 bollar ferskjubitar - u.þ.b. 6 ferskjur
1 bolli sykur
1 msk möndludropar

1. Setjið allt hráefnið í þykkbotna pott. Hrærið stanslaust meðan suðan er að koma. Lækkið hitann og látið sjóða þar til sultan þykknar, u.þ.b. 10 mínútur.
2. Setjið í krukkur (sem er búið að sjóða og eru enn heitar) og lokið. Geymist í ísskáp í u.þ.b. 3 mánuði.

Epla-, ananas- og sítrónusulta

1 1/2 kg epli
1 ananas
5 sítrónur
2 kg sykur

1. Afhýðið eplin, takið úr þeim kjarnann og sneiðið þau.
2. Afhýðið ananasinn, takið innan úr honum og saxið hann.
3. Rífið börkinn á sítrónunum og geymið safann.
4. Setjið ávextina í pott ásamt sítrónuberki og safa. Náið upp suðu og sjóðið varlega í 15 mínútur eða þar til ávextirnir eru mjúkir.
5. Bætið sykri út í, hrærið þar til hann er uppleystur. Náið upp suðu og sjóðið (við frekar háan hita) í u.þ.b. 15 mínútur.
6. Setjið sultuna í heitar krukkur og setjið lok. Geymist í 3-4 mánuði.

Aðalbláberjasulta

1 kg aðalbláber
400 gr sykur

1. Berin eru þvegin og hreinsuð; látið renna af þeim í sigti.
2. Sett í pott ásamt sykrinum, hituð og látin malla við vægan hita í um 20 mínútur.
3. Maukið sett í heitar, dauðhreinsaðar krukkur og lokað.

Svissneskt ostabrauð

50 gr ger
3 dl mjólk
100 gr smjör
1 tsk kúmen
1 tsk salt
100 gr rifinn ostur
125 gr gróft heilhveiti
500 gr hveiti
1 egg, til penslunar
Gróft salt

1. Myljið gerið og hrærið út í volgri mjólk. Bætið í bræddu smjöri, kúmeni, salti, osti og heilhveiti.
2. Hrærið og sláið deigið rösklega. Bætið í hveiti smám saman og hnoðið deigið uns það er mjúkt og þjált.
3. Mótið 10-12 bollur og látið í smurt mót. Látið lyftast í 30-40 mínútur, penslið með eggi og stráið grófu salti og kúmeni yfir. Bakið við 225°c í 20-25 mínútur.

Ostabollur með ólífum

2 dl rifinn ostur
50 gr grænar ólífur með fyllingu
7-8 dl hveiti
5 tsk þurrger
1 tsk sykur
2 1/2 dl volgt vatn
2 msk olía
4 msk skyr eða kotasæla
1 egg til penslunar
Paprikuduft til skrauts

1. Rífið ostinn og skerið ólífurnar smátt.
2. Takið frá 1 dl af hveiti og geymið á diski til að nota síðar.
3. Blandið saman öllum þurrefnunum, ostinum og ólífunum.
4. Hrærið skyrið eða kotasæluna út í vatnið og bætið olíunni út í.
5. Blandið öllu saman og hrærið og hnoðið, bætið hveitinu sem tekið var frá út í, ef þörf krefur. Passið að gera deigið ekki of þurrt, það á að vera mjúkt.
6. Setjið deigskálina til hefingar í heitt vatnsbað í eldhúsvaskinum í ca. 15 mín. Hnoðið deigið á ný og mótið pylsu sem skipt er í jafna bita.
7. Mótið bollur og látið þær lyfta sér á plötu með bökunarpappír.
8. Skerið eða klippið kross í bollurnar, penslið með eggi og stráið paprikudufti yfir.
9. Bakið við 210°c á miðrim í ofninum í 15-20 mínútur.

Bornar fram volgar með súpum, grænmetisréttum og salötum.


Osta- og eplabrauð

6 litlir keramik blómapottar
500 gr hveiti
1 msk kyftiduft
1 1/2 tsk salt
55 gr smjör
900 gr afhýdd, kjarnhreinsuð og rifin epli
125 gr rifinn parmesan
2 þeytt egg
Valmúafræ eða birkifræ til skreytingar

1. Stillið ofn á 180°c. Setjið potta í vatnsbað í 30 mínútur, þurrkið þá og smyrjið að innan með olíu. Þekjið þá að innan með bökunarpappír.
2. Setjið hveiti, lyftiduft og salt í skál. Hnoðið smjör saman við (má nota matvinnsluvél).
3. Hrærið eplum og osti saman við og því næst koma hrærðu eggin. Blandið vel.
4. Skiptið deigi í pottana og setjið fræ ofan á.
5. Bakið í um 1 klukkustund. Ef þau taka of mikinn lit má setja álpappír yfir. Stingið í miðju til að athuga hvort brauðin séu tilbúin.
Kælið!!

Í stað blómapottanna má nota 1 kg brauðhleifsform. Bakið þá í 1-1 1/2 klukkustund.


Kryddbrauðið hennar mömmu

3 dl hveiti
3 dl sykur
3 dl haframjöl
3 dl mjólk
1/2 tsk engifer
1/2 tsk negull
1 tsk matarsóti
1 tsk kanill
1 tsk kakó
Örlítið salt

1. Öllu hráefni blandað vel saman.
2. Sett í vel smurt jólakökuform og bakað í 1 klukkustund við 175-200°c.

Epla- og valhnetubrauð

1 ¾ bolli sykur
¾ bolli olía
3 egg
2 bollar hveiti
1 tsk kanill
1 tsk salt
1 tsk matarsódi
2 bollar epli, afhýdd og skorin í bita
¾ bolli valhnetur, saxaðar
Valhnetur til að skreyta með

Ofan á:
½ - 1 bolli flórsykur
2-3 msk appelsínu- eða sítrónusafi

1. Blandið öllu hráefni í stóra skál. Hellið í 2 smurð brauðform og bakið við 180°c í 50-60 mínútur.
2. Áður en brauðin eru tekin úr forminu skal hella glassúr yfir og skreyta með valhnetum.

Jólakaffi
Þessi blanda nægir í 2 krukkur.

1 bolli instant-kaffiduft
1 bolli Swiss Miss-kakóduft
1 1/2 bolli mjólkurduft
2 msk sykur
3/4 tsk kanill

1. Öllu blandað saman og sett í krukkur, festur á miði, á honum þarf að standa að 2 msk af duftinu eigi að leysa upp í bolla af soðnu vatni.

Ýsa með eplum, rækjum og rjóma

500 gr ýsa
1 epli
slatti af rækjum
Ostur
Salt
Pipar
Önnur krydd að eigin smekk
1 dl rjómi

1. Snöggsteikið ýsuna og kryddið.
2. Epli skorið í sneiðar og dreift yfir fiskinn, því næst rækjunum, osti og rjóma. Lokið sett á og látið malla í 10 mínútur við vægan hita.

Borið fram með soðnum kartöflum og brauði.
Skötuselur í karrý

500 gr skötuselur
30 gr rauð paprika
30 gr blaðlaukur
Smjörlíki til steikingar
Karrý
2 dl rjómi

1. Skötuselurinn er skorinn í strimla, paprikan og blaðalaukurinn eru söxuð.
2. Veltið fiskinum upp úr hveiti og setjið í heita feitina, kryddið með karrý.
3. Paprikunni og blaðlauknum bætt saman við. Hellið rjómanum út á og látið þykkna.

Borið fram með hrísgrjónum.

Sjávarréttasalat með Camembertosti

1 Camembertostur, saxaður
1 dl rækjur
1 dl kræklingur
1/2 dl mæjónes
1/2 dl sýrður rjómi
1/2-1 ananashringur, saxaður
2 harðsoðin egg, söxuð

1. Blandið öllu vel saman í skál.
2. Látið standa í kæli í góða stund áður en það er borið fram.

Salatið er hægt að bera fram í tartalettum eða á ristuðu brauði.


Saltfiskur með suðrænum tón

10-12 kartöflur
600 gr saltfiskur
4 tómatar
3 laukar
3 hvítlauksrif
2 msk matarolía
1 msk smjör
3 msk graslaukur
12 svartar ólífur

1. Sjóðið kartöflur. Afhýðið þær og kælið og skerið í sneiðar.
2. Sjóðið saltfiskinn, beinhreinsið og roðflettið.
3. Skerið tómata í sneiðar, saxið lauk og hvítlauk og léttsteikið í matarolíu og smjöri ásamt söxuðum graslauk við vægan hita.
4. Setjið kartöflurnar í smurt eldfast mót. Raðið svo helmingnum af laukblöndunni og tómatsneiðunum ofan á. Setjið allan saltfiskinn yfir og svo loks afganginn af lauknum og tómötunum ásamt ólífum.
5. Bakið réttinn við 180°c í 20 mínútur.

Berið fram með fersku salati, smurðu snittubrauði og léttu víni.


Möndlusilungur

400 gr silungsflök
1 egg
Salt
Pipar
75-100 gr möndluflögur
Smjör til að steikja úr

1. Þvoið og snyrtið silungsflökin og þerrið.
2. Roðdragið þau ef þið viljið (bragðmeira að hafa roðið með), kryddið þau og veltið upp úr möndluflögum. Látið bíða í smástund.
3. Bræðið smjörið og þegar það er farið að freyða vel er silungurinn settur á pönnuna, hitinn lækkaður í miðstraum og steiktur í nokkrar mínútur á hvorri hlið. Best er að nota breiðan spaða við að snúa silungnum við svo möndluflögurnar detti síður af.
4. Þegar silungurinn hefur verið tekinn af pönnunni er afgangnum af möndluflögunum (ef einhver er) bætt á pönnuna og örlitlu smjöri. Þessu er hellt yfir fiskinn um leið og hann er borinn fram.

Borinn fram með soðnum kartöflum, tómötum, gúrkum og sítrónu.


Krabbakássa

1/2 bolli olía
2 stórir laukar, saxaðir
1 hvítlaukur, saxaður smátt
500 gr krabbakjöt
1/4 bolli parsley, saxað
1 dós Cream of Mushroom súpa
1/2 bolli brauðmylsna
1 egg, hrært
Salt + pipar eftir smekk

1. Hitið lauk í olíu; bætið hvílauk út í og síðan krabba, parsley, súpu, kryddi, brauðmylsnu og hrærðu eggi.
2. Setjið í smurt eldfast mót og bætið smjörklípum yfir hér og þar.
3. Bakið við 175° í 25 mínútur.

Kornflögufiskur með kaldri sósu

2 bollar muldar kornflögur
3 tsk rifinn sítrónubörkur
Salt og pipar
3 tsk sítrónusafi
4 msk smjör
700-800 gr ýsu- eða þorskflök (roðflett)

Sósan:
3 msk léttmajónes
2 msk sýrður rjómi (10%)
3 msk sweet pickle relish
2 msk sítrónusafi
1 msk sætt sinnep

1. Setjið kornflögumylsnuna í skál og bætið sítrónuberkinum, salti og pipar út í.
2. Setjið sítrónusafnn í skál, bræðið smjörið og blandið saman við sítrónusafann.
3. Skerið fiskinn í 5 cm strimla (fingur) og penslið með smjörblöndunni. Veltið fiskbitunum síðan upp úr kornflögumylsnunni og raðið í ofnskúffuna (notið bökunarpappír undir).
4. Bakið í 10-15 mínútur.
5. Útbúið sósuna á meðan fiskurinn er í ofninum.
6. Blandið öllu saman sem á að fara í sósuna og geymið í kæli fram að framreiðslu.

Hvítlaukssaltfiskur

600 gr saltfiskur
8 hvítlauksrif
1 laukur
1 rauð paprika
4 vænir vel þroskaðir tómatar eða 1 dós niðursoðnir tómatar
Steinselja
Olía
Edik
Paprikuduft

1. Útvatnið saltfiskinn, þerrið og skerið í meðalstóra bita.
2. Skerið laukinn í stórar sneiðar, hreinsið paprikuna og sneiðið niður, afhýðið tómatana, fjarlægið fræin og skerið mjög smátt.
3. Látið saltfiskinn í pott með vatni, látið suðuna koma upp, takið þá pottinn af hellunni og látið fiskinn kólna í soðinu.
4. Látið olíu í pott og hitið, steikið 4 heil hvítlauksrif við meðalhita. Bætið steinseljunni við þegar hvítlauksrifin verða gullin að lit. Takið af hellunni.
5. Merjið hvítlaukinn og steinseljuna í mortéli, bætið paprikudufti við og þynnið með 3 msk. af ediki.
6. Skerið hvítlauksrifin 4 sem eftir eru í sneiðar og steikið í olíu í sama potti og notaður var áður.
7. Bætið lauknum og paprikunni við og látið malla við vægan hita þar til laukurinn verður glær.
8. Hellið tómat-maukinu í pottinn og látið sjóða í 5 mínútur.
9. Bætið saltfiskinum út í og látið sjóða í 5 mínútur í viðbót.
10. Bætið að lokum hvítlauksleginum við og látið sjóða í 2-3 mínútur í viðbót.


Gratineraður hörpuskelfiskur

300-400 gr hörpuskelfiskur
1/2 saxaður laukur
1/2 söxuð paprika
Krydd eftir smekk
Ostur
Smjörlíki

1. Hitið smjörlíki á pönnu, steikið laukinn og paprikuna. Kryddið.
2. Hellið rjómanum út á ásamt hörpuskelfisknum og látið sjóða í 15 sekúndur. Færið upp á hörpuskel, disk eða tartalettu.
3. Hyljið með ostinum og bakið í ofni eða grilli við mikinn hita í stuttan tíma eða þar til osturinn er brúnaður.

Grafinn lax

3 1/2 kg lax
4 msk salt
1/2 msk pipar
1 msk saxaður laukur
1 msk þriðja kryddið
1 tsk fennikufræ
3 msk þurrkað dill

Dillsósa:
100 gr mæjónes
150 gr sýður rjómi
1 msk sætt, franskt sinnep
1 tsk dill
1 msk hunang

1. Þerrið flökin vandlega, snyrtið þau og beinhreinsið.
2. Blandið kryddinu saman og dreifið á flökin .
3. Leggið flökin saman og pakkið þeim inn í álpappír. Ath. þrýstið þeim vel saman.
4. Setjið pakkann í tvo plastpoka og látið standa í kæliskáp í einn til tvo sólarhringa. Snúið pökkunum við kvölds og morgna.
5. Blandið öllu saman sem á að fara í sósuna og kælið.

Berið fram með ristuðu brauði eða heimabökuðu mjúku brauði.


Fiskur með appelsínu- og humarssósu

800 gr ýsa
1 tsk salt
1 tsk olía
1-2 hvítlauksrif
1 dós sýrður rjómi 10%
1/2 dl mjólk
2 msk humarkraftur (Oscar - svört dós)
Rifið hýði af 1/2 appelsínu
Fersk tímianlauf

1. Hreinsið fiskinn og skerið í meðalstór stykki og stráið salti yfir þau.
2. Merjið hvítlaukinn og mýkið hann í olíunni.
3. Bætið sýrða rjómanum, vatninu, humarkraftinum, appelsínuhýðinu og tímianlaufum á pönnuna. Sjóðið augnablik og hrærið í á meðan.
4. Leggið síðan fiskstykkin á pönnuna og látið þau sjóða í sósunni þar til fiskurinn er orðinn hvítur í gegn. Passið að ofsjóða hann ekki.
5. Skreytið fiskstykkin með svolitlum rifnum appelsínuberki og stórum rækjum.

Borið fram með soðnum kartöflum og brokkólíi.


Bakaður saltfiskur

500 gr saltfiskur
500 gr kartöflur
50 gr smjörvi
½ laukur
½ græn paprika
2 msk hveiti
3 dk mjólk
2 msk parmesanostur
2 msk brauðmylsna

1. Útvatnaður fiskur er látinn í kalt vatn og suðan látin koma hægt upp – soðin í 5-10 mín.
2. Að suðu lokinni er fiskurinn hreinsaður vel, roð- og beinhreinsaður.
3. Fiskurinn er losaður sundur og settur í smurt eldfast mót.
4. Kartöflurnar eru snöggsoðnar, afhýddar og sneiddar – raðið þeim ofan á fiskinn í mótinu.
5. Smjörvi er bræddur í potti. Laukur og smátt söxuð paprika látin í krauma í smjörinu þangað þau verða mjúk. Hveiti er bætt við og jafningurinn hrærður út með mjólk. Á að verða þunnur. Þessu er hellt yfir fiskinn og kartöflurnar.
6. Blöndu af osti og brauðmylsnu er stráð yfir og rétturinn bakaður í heitum ofni í 20 mínútur.

Gott að bera fram með rúgbrauði.
Rækjur með kryddlegnum spergli

4 stórar dósir grænn aspas
3 msk olía
1 tsk salt
1 tsk pipar
1 tsk múskat
1200 gr rækjur
2 dl mæjónes
Safi úr ferskri sítrónu

1. Blandið saman olíu, salti, pipar og múskati og hellið yfir spergilinn.
2. Hrærið mæjónes út með sítrónusafa eftir smekk.
3. Skiptið spergli og rækjum á milli 8 forréttadiska og berið fram með mæjónessósunni.

Rækju- og kræklingasalat

200 gr kræklingur
1 dós aspas
150 gr ferskir sveppir
1 búnt lambhagasalat
200 gr grænar baunir, frosnar
200 gr stórar rækjur
1/2 sítróna
Ferskt dill

Sósa:
1 hvítlauksrif
1 1/2 msk hvítvínsedil
1 msk ólífuolía
1/2 tsk salt
1/2 tsk svartur pipar
1 1/2 msk dijonsinnep
2 msk chilisósa
Sítrónusafi ef vill

1. Hellið soði af aspas og kræklingi. Hreinsið sveppi og skerið í sneiðar. Rífið salatið niður. Blandið öllu saman í stóra skál og bætið rækjumog grænum baunum út í. Skreytið með sítrónusneiðum og fersku dilli
2. Fínsaxið hvítlauksrifið. Hellið saman ediki og olíu, bætið salti og pipar saman við ásamt sinnepi og hvítlauk, hrærið vel. Bragðbætið með chilisósu og sítrónusafa. Hellið yfir salatið og blandið vel eða berið fram í sér skál

Berið fram með nýbökuðu brauði.


Gráðostabaka

1 franskbrauð, tætt í botninn

2 piparostar
1 lítill gráðostur
1 Camembert
1/2 ltr rjómi

Sett í pott og brætt við vægan hita.

1 pakki brokkólí
1 pakki skinka
1 paprika
Sveppir

Sett yfir brauðið, svo sósan og rifinn ostur. Haft í 1/2 tíma inn í 200°C heitum ofni. Borið fram með rifsberjahlaupi.


Krabbakrás

100 gr mæjónes
1 msk chilesósa
1/2 tsk salt
1/4 tsk paprikuduft
1 1/2 msk sítrónusafi
1/2dl rjómi
250 gr krabbakjöt
6 brauðsneiðar
1/2 dós niðursoðinn aspas
3 eggjahvítur
75 gr rifinn brauðostur

1. Hrærið saman mæjónes og chilesósu. Kryddið með salti, pipar, paprikudufti og sítrónusafa. Blandið rjóma við.
2. Skerið krabbakjöt í bita og bætið í blönduna.
3. Rífið skorpulaust brauð niður í eldfast, smurt form.
4. Bleytið í brauðinu með aspassoði. Raðið aspasbitum ofan á brauðið og smyrjið krabbablöndunni ofan á.
5. Stífþeytið eggjahvítur og blandið rifan ostinum við. Smyrjið yfir blönduna.
6. Bakið við 200°c í 10 mínútur.

Heitur rækjuréttur

Franskbrauð
1 bolli skinka, smátt brytjuð
Smjör
2 bollar niðursoðnir sveppir
Safi af sveppunum
1/2 kg rækjur
1-1 1/2 bolli mæjónes
1/2 bolli sýrður rjómi
1 msk Hot Dog Relish
Krydd eftir smekk
4 eggjahvítur
Rifinn ostur

1. Rífið brauðið niður í eldfast mót. Steikið skinku og sveppi í smjöri, og setjið út á brauðið ásamt soðinu.
2. Blandiðsaman rækjum, mæjónesi, sýrðum rjóma, Hot Dog Relish og kryddi. - Setjið yfir brauðið.
3. Rífið þá meira brauð ofan á og svo skal setja salat yfir það, en enda skal á brauði.
4. Þeytið eggjahvíturnar og bæði út í formið ásamt rifnum osti. Þekið með álpappír og bakið í 45 mínútur við 200°C.

Gera má réttinn daginn áður og geyma í ísskáp en þá verður að geyma að setja hvíturnar út í þangað til rétt áður en þetta fer í ofninn.


Sveskjugrautur

250 gr sveskjur
1 lítri vatn
2-3 msk sykur
3 msk kartöflumjöl
1 dl kalt vatn

1. Skolið sveskjur og leggið í bleyti í 1 lítra af vatni yfir nótt. Sjóði þær svo í vatninu þangað til þær eru meyrar.
2. Bragðbætið með sykri eftir smekk. Hrærið kartöflumjöli útí köldu vatni og þykkið grautinn með því.
3. Hellið honum í skál, stráið sykri yfir og kælið.

Bera skal grautinn fram með rjómablandi eða þeyttum rjóma.


Rabarbara- og sítrónusulta

500 gr rabarbari, brytjaður smátt
500 gr sykur
Safi úr 1/2 sítrónu
Kjötið úr einni appelsínu
Rifinnbörkur af 1/2 appelsínu
Rifinn börkur af 1/4 úr sítrónu

1. Rabarbari er settur í pott ásamt sykri og safa úr sítrónu. Sjóðið við meðalhita í um 15 mínútur og hrærið í inn á milli.
2. Börkurinn er rifinn á fínu rifjárni og appelsínukjötið saxað. Þessu er blandað við sultuna. Sjóðið við vægan hita í 30-40 mínútur.

Góð á kex og ristað brauð með osti.


Jógúrtfrómas með kíwí

3-4 kíwí
90 gr sykur
1 dós hrein jógúrt
2 eggjahvítur

1. Afhýðið kíwí og skerið í bita. Setjið bitana í matkvörn. Bætið sykri saman við og síðan jógúrt. Blandið saman.
2. Setjið í frysti í einn til tvo klukkutíma og hrærið í öðru hverju.
3. Stífþeytið eggjahvíturnar og bætið tveimur teskeiðum af sykri út í. Blandið varlega saman við kíwíjógúrtísinn. Berið fram strax eða setjið aftur í frysti í a.m.k. klukkutíma. Hrærið aftur í áður en rétturinn er borinn fram.
4. Skreytið með kíwísneiðum.

Hrútaberjahlaup

1 lítri hrútaberjasafi
1 kg sykur
Safinn úr 1 sítrónu

1. Setjið hrútaberjasafann í pott og látið sjóða í 5 mínútur og bætið sítrónusafanum út í.
2. Takið pottinn af hellunni og hrærið sykrinumsaman við. Hrærið vel í þar til sykurinn er uppleystur.
3. Hellið strax í hreinar og heitar krukkur. Lokið krukkunum strax og látið standa á svölum stað á meðan hlaupið er að kólna.

Ef hrútaberin eru fersk og nýtínd þar ekki að nota sultuhleypi en ef þau hafa verið fryst þarf að nota sultuhleypi. Er það gert samkvæmt leiðbeiningum sem fylgja hverri tegund hleypis.

Bláberjahlaup

1 lítri bláberjasafi
1 kg sykur
Safinn úr 1 sítrónu

1. Setjið bláberjasafann í pott og látið sjóða í 5 mínútur og bætið sítrónusafanum út í.
2. Takið pottinn af hellunni og hrærið sykrinum saman við. Hrærið vel í þar til sykurinn er uppleystur.
3. Hellið strax í hreinar og heitar krukkur. Lokið krukkunum strax og látið standa á svölum stað á meðan hlaupið er að kólna.

Ef bláberin eru fersk og nýtínd þar ekki að nota sultuhleypi en ef þau hafa verið fryst þarf að nota sultuhleypi. Er það gert samkvæmt leiðbeiningum sem fylgja hverri tegund hleypis

Grilluð berjabomba

1 askja jarðarber
1 askja bláber
1 dl makkarónukökur
50 gr suðusúkkulaði

1. Jarðarberin eru skorin í fernt og stilkurinn skorinn af, makkarónukökurnar muldar og súkkulaðið skorið smátt.
2. Öllu blandað saman, sett í álbakka og látið krauma á grillinu í 5-10 mínútur.


Grillsósa

1 dós hrein jógúrt
2 msk dijon-sinnep
2 msk soya-sósa
Steinselja

1. Blandið öllu saman í skál og geymið í kæli.
2. Notið sem marineringu eða sem grillsósu með mat.


Glóðarsteiktir bananar með gráðosti

3 stórir bananar
Smátt saxaður gráðostur eftir smekk

1. Skerið rauf i bananana eftir endilöngu og fyllið með gráðosti.
2. Penslið bananana með olíu og glóðarsteikið þar osturinn bráðnar.
3. Berið fram vel heita.


Broccolí með furuhnetum

750 gr broccolí
Salt
Pipar
1 lítill poki furuhnetur
Smjör til steikingar

1. Skerið broccolíið í litlar greinar og sjóðið í u.þ.b. 4-5 mínútur.
2. Bræðið örlítið smjör á pönnu og léttsteikið hneturnar. Blandiðspergilkálinu varlega við. Gæti þurft að bæta smjöri við þá.

Hvítkálssalat með döðlum

100 gr rifið hvítkál
4-6 döðlur
1 appelsína
1 dl sýrður rjómi 10% eða jógúrt

1. Brytjið eða klippið döðlurnar smátt. Flysjið appelsínuna og takið hana í sundur í rif og klippið rifin í bita.
2. Rífið hvítkálið og blandið öllu varlega saman með tveimur göfflum.

Í sósuna má líka nota svolítð mæjónes og súrmjólk blandað saman.




Ferskt tómatsalat

4 stórir þroskaðir tómatar
1/2 lítill laukur eða salatlaukur
1/4 rauður chilipipar (ferskur)
1 msk ferskt kóríander eða 1 tsk þurrkað
Safi úr hálfri sítrónu
1/4 tsk salt
1/2 tsk grófmalaður pipar

1. Skerið tómatana smátt, fínsaxið lauk og chilipipar, klippið kóríander smátt sé notað ferskt og blandið öllu saman í skál.
2. Pressið safann úr sítrónunni og hellið yfir salatið, kryddið og látið standa í kæli í nokkra stund áður en það er borið fram.

Blómkálsbakstur

1 lítið blómkálshöfuð
4 egg
1 peli kaffirjómi
100 gr rifinn ostur
50 gr parmesanostur
Salt
Svartur nýmalaður pipar
Ögn af múskati

1. Þvoið blómkálið og kljúfið það í greinar og sjóðið í söltu vatni í smá stund (passið að ofsjóða það ekki). Það á ekki að vera fullsoðið.
2. Raðið því síðan í smurt ofnfast fat. Þeytið saman egg, rjóma, ost og krydd; hellið yfir blómkálið.
3. Bakið í ofni við 200°c í 25-30 mínútur.

Berið fram með tómötum, smátt söxuðum rauðlauk og nýbökuðu brauði.


Súrsætur kjúklingur

800 gr kjúklingalæri
1 dl BBQ-sósa
1/2 dl soyasósa
1 dl apríkósusulta
1 msk púðursykur

1. Setjið kjúklingabitana í eldfast mót.
2 Hrærið öllu hinu saman og hellið yfir kjúklinginn.
3. Veltið kjúklingnum upp úr sósunni.
4. Steikið í 45 mínútur við 200°c og veltið kjúklingabitunum öðru hvoru við á meðan á steikingu stendur.
5. Fleytið fituna af réttinum áður en hann er borinn fram.

Borið fram með hrísgrjónum, maískorni og snittubrauði.


Sunnudagsofnréttur

1 lítil dós ananashringir (5 hringir)
1 steiktur eða soðinn kjúklingur (um 350-400 gr, beinlaus)

Sósa:
2 1/2 msk hveiti
3 dl kjúklingasoð (teningur+vatn)
100 gr léttmæjónes
1 dl sýrður rjómi 10%
3 tsk sinnep
Pipar
Sítrónusafi ef vill
Rauð paprika
Steinselja

1. Skerið ananassneiðarnar í tvennt og raðið í botninn á eldföstu móti. Hellið dálitlum ananassafa út á.
2. Raðið kjúklingakjöti ofan á sneiðarnar.
3. Setjið kjúklingasoð og hveiti í pott og hleypið upp suðu. Hrærið í á meðan. Takið af hitanum og blandið mæjónesi, sýrðum rjóma og sinnepi út í. Bragðbætið með pipar og kreistið e.t.v. sítrónusafa yfir ef vill.
4. Hellið sósunni yfir kjúklinginn og bakið í 250°c heitum ofni í tólf mínútur eða þar til yfirborðið brúnast.
5. Skerið papriku í strimla og setjið ofan á. Fínsaxið steinselju og stráið yfir.

Berið fram með soðnu pasta, salati og brauði.


Kjúklinga Quesadillas

3 kjúklingabringur, bein- og skinnlausar
Safi úr 2 lime
3 msk ólífuolía
1 hvítlauksrif, pressað
1/2 tsk salt
1/4 tsk sterk piparsósa, t.d. Tabasco
12 tortillas
Salat, niðurskorið
Tómatar, skornir í teninga
Tifinn sterkur ostur
300 gr salsa

1. Blandið saman limesafa, olíu, hvítlauk, salti og piparsósu í skál (sem er ekki úr neinum málm). Bætið kjúklingnum út í og blandið vel. Látið standa í leginum í 1 klst við stofuhita eða geyma í kæli yfir nótt. Staflið tortillunum og setjið í álpappír.
2. Grillið kjúklinginn í ca 15-20 mínútur. Þegar kjúklingurinn er tilbúinn á að skera hann í ræmur. Setjið tortillurnar í álpappírnum á grillið - snúið tvisvar til þrisvar.
3. Setjið 1/12 af kálinu á hverja tortillu, síðan kjúkling, lag af ost og tómötum þar ofan á. Setjið salsasósu ofan á alla saman. Rúllið síðan upp.


Bláberjakjúklingur

1/2 tsk Cajun-krydd (eða meira; eftir smekk)
4 kjúklingabringur, skinn- og beinlausar
3 hvítlauksrif, smátt skorin
1 meðalstór laukur, smátt skorinn
2 tsk ólífuolía
1/3 bolli rauðvín
300 gr bláber
1 tsk rifinn sítrónubörkur
1/4 tsk salt (má sleppa)

1. Kryddið bringurnar með Cajun-kryddinu. Brúnið í olíunni uns þær eru næstum eldaðar í gegn, u.þ.b. 7-10 mínútur. Ef bringurnar eru þykkar er gott að steikja þær í 3-4 mínútur í viðbót. Fjarlægið þá bringurnar af pönnunni og haldið þeim heitum.
2. Á sömu pönnu eru svo hvítlaukurinn og laukurinn steiktir uns þeir eru glærir. Bætið þá rauðvíni við og sjóðið niður þangað til mestur vökvinn er gufaður upp. Bætið þá við bláberjum, sítrónuberki og salti. Sjóðið í 5 mínútur. Ef berin eru frosin er sósan soðin uns þau eru heit í gegn.
3. Bragðbætið með salti og pipar. Takið af hitanum og látið standa í 5 mínútur áður en þetta er borið fram.
4. Ausið yfir bringurnar og berið fram.

Bakað kjúklingasalat

2 bollar smátt saxað, skorið og soðið kjúklingakjöt
1 bolli sneitt sellerí
100 gr rifinn sterkur 26% ostur
1 msk rifinn laukur
1/4 msk sítrónusafi
1/2 tsk salt
Pipar á hnífsoddi
1/3 bolli mæjónes
1 tómatur í sneiðum
1 bolli kartöfluflögur, muldar

1. Forhitið ofn á 175°c.
2. Blandið saman kjúkling, selleríi, hluta af ostinum, lauk, sítrónusafa, kryddi og mæjónesi. Setjið í eldfast mót.
3. Raðið tómatsneiðum yfir og bakið í 35-40 mínútur við 175°c.
4. Blandið saman kartöfluflögum og því sem eftir er af ostinum. Dreifið yfir réttinn. Bakið áfram þar til osturinn er bráðnaður.

Appelsínukjúklingur

800 gr kjúklingavængir
1 msk soyasósa
1/2-1 tsk rifin engiferrót
1-2 hvítlauksrif
1/2-1 bolli nýpressaður appelsínusafi
Sítrónupipar

1. Kjúklingavængirnir eru þvegnir, þerraðir vel, klipptir í þrennt og fremsta hlutanum hent.
2. Hinir hlutarnir eru kryddaðir vel með sítrónupipar og raðað í eldfast mót og bakaðir í 200°c heitum ofni í 25 mínútur. Síðan er sósan búin til.
3. Engiferrótin er rifin, appelsínan kreist og hvítlaukurinn pressaður og öllu blandað saman ásamt soyasósunni.
4. Kjúklingurinn er tekinn úr ofninum, sósunni hellt yfir og bakað áfram í 10-15 mínútur. Ef sósan þykir of þunn má setja hana í pott og þykkja með sósujafnara eða maísenamjöli.

Borið fram með soðnum hrísgrjónum, maískornum og heimabökuðu brauði.


Ljósar karamellur

50 gr smjör
3 dl sykur
1/2 lítri rjómi
1 1/2 dl síróp
1 msk vanilludropar

1. Öllu blandað saman í potti og soðið við þar tl það er farið að þykkna. Hræra við og við. EKKI OF MIKILL HITI.
2. Hellt í ferkantað form og látið kólna. Skerið í bita og pakkið í sellófan.

Til að vera viss um að það sé búið að sjóða nógu lengi má taka örlítið af karamellunni í teskeið og láta drjúpa í glas með köldu vatni. Ef massinn stífnar og verðu kúlulaga er hann tilbúinn.


Kartöflukonfekt

100 gr soðnar kartöflur
500 gr flórsykur
1/2 tsk piparmynta
100 gr Sírius hjúpsúkkulaði
1 msk olía
Kókosmjöl

1. Stappið kartöflurnar og hnoðið með flórsykri.
2. Bætið myntu og mótið síðan kúlur.
3. Súkkulaði og olía eru brædd saman og kúlurnar hjúpaðar.
4. Loks er þeim velt upp úr kókosmjöli eða skrauti að vild.



Hnetusmjörskonfekt

250 gr jarðhnetur
250 gr hnetusmjör
Flórsykur
Hjúpsúkkulaði

1. Hneturnar er settar í matvinnsluvél og saxaðar mjög smátt. Hnetusmjörið er sett út í og hrært saman við. Flórsykri er bætt úr í þar til blandan er orðin þykk.
Sett í kæli.
2. Hjúpsúkkulaði er brætt. Búnar eru til litlar kúlur úr deiginu og þær hjúpaðar með bræddu súkkulaði.

Best að geyma í kæli.


Brúnar karamellur

4 dl sykur
1 dl ljós púðursykur
1 dl kakó
3 dl rjómi
1 dl síróp
1/2-1 msk vanillusykur

1. Öllu blandað saman í potti og soðið við þar tl það er farið að þykkna. Hræra við og við. EKKI OF MIKILL HITI.
2. Hellt í ferkantað form og látið kólna. Skerið í bita og pakkið í sellófan.
3. Til að vera viss um að það sé búið að sjóða nógu lengi má taka örlítið af karamellunni í teskeið og láta drjúpa í glas með köldu vatni. Ef massinn stífnar og verðu kúlulaga er hann tilbúinn.


22 febrúar 2004

Spínat- og jarðarberjasalat

Slatti af spínati, hreinsað og rifið niður
4 bollar jarðarber, niðursneidd
½ bolli ólífuolía
¼ bolli hvítvínsedik
½ bolli sykur
¼ tsk paprika
2 msk sesamfræ
1 msk valmúafræ

1. Blandið saman jarðarberjum og spínati í stórri skál.
2. Hrærið saman olíu, ediki, sykri, papriku, sesamfræjum og valmúafræjum. Hellið yfir salatið.



Vatnsdeigsbollur

300 gr smjörlíki
5 dl vatn
300 gr hveiti
8-10 egg

1. Smjörlíki er sett í pott með vatninu og suðunni hleypt upp. Þykkt með hveiti.
2. Allt sett í hrærivél og eggin sett útí eitt í einu.
3. U.þ.b. 35 bollur eru mótaðar úr deiginu með rjómasprautu og settar á bökunarplötu sem hefur verið klædd með bökunarpappír. Bakaðar við 180°c þar til þær eru orðnar fallegar ljósbrúnar.

Smjörkaka

Þessi kaka er hollari en sú sem við kaupum í bakaríinu, því hún innheldur matarolíu í stað smjörs ;o)

450 gr hveiti
4 msk sykur
4 1/2 tsk þurrger
2 tsk. kardimommur
1 dl matarolía
1 dl köld mjólk
1 dl heitt vatn
2 egg

Fylling:
3 msk olía
50 gr dökkur púðursykur
1 msk hveiti
5 msk saxaðar rúsínur

Vanillukrem:
1 egg
2 msk sykur
1 tsk vanilla
3 msk hveiti
2 1/2 dl mjólk
- - allt hrært saman í potti og hitað að suðu.

Hitið ofninn á 200°c. Takið frá 1/2 - 1 dl. af hveiti og setjið á disk til að nota síðar, ef þörf krefur. Blandið saman þurrefnunum. Blandið saman heitu vatni, mjólk, olíu og eggjum. Hrærið saman með gaffli þannig að rauðurnar springi. Hellið mjólkublöndunni við þurrefni og hrærið vel saman. Setjið meira hveiti ef þarf. Hnoðið deigið þar til það klessist ekki við borð eða hönd. Látið deigið hefast í c.a. 15 mín. í heitu vatnsbaði. Búið til fyllingu á meðan. Hnoðið deigið aftur á borði og bætið við hveiti eftir þörfum. Skiptið deiginu í tvennt. Fletjið annan hlutann út í kringlótta köku og leggið í vel smurt kringlótt tertuform, fremur stórt eða 2 lítil. Látið deigið ná upp á barmana á mótinu. Fletjið hinn helminginn í ferkantaða köku- 40x20cm.-og smyrjið fyllingunni yfir og rúllið upp. Skerið lengjuna í 14 jafna hluta, - snúða. Setjið vanillukrem í kringlótta formið, ofan á deigið, og raðið snúðunum ofan á. Hafið bil á milli snúðanna. Látið hefast í 10 mín. á eldavél, þ.e. notið ylinn frá ofninum. Bakið í c.a. 25 mín. í neðstu rim.

Skonsur með apríkósum og möndlum

450 gr hveiti
6 tsk lyftiduft
1 tsk kardimommur
2 tsk sykur
2 msk matarolía
150 gr þurrkaðar apríkósur
45 gr heslihnetur
1 egg
310 ml mjólk

1. Blandið þurrefnum í skál og myljið smjörlíkið saman við.
2. Brytjið apríkósurnar og möndlur og bætið saman við.
3. Þeytið saman mjólk og egg og hrærið saman við þurrefnin, hnoðið saman með léttum handtökum og passið að deigið verði ekki seigt.
4. Fletjið út í 3 cm þykka köku og skerið út skonsur með beittu smákökumóti.
5. Bakið cið 200°c í ca. 15 mínútur.

Berið fram nýbakað með apríkósumarmelaði.


Ostamuffins

4 dl hveiti
3 tsk lyftiduft
75 gr smjör
1 dl rifinn ostur
2 dl mjólk
1/4 tsk slat

1. Öllu hnoðað létt saman, látið í muffinsform og penslað með eggi.
2. Bakið fallega ljósbrún.

Hafrakex

5 dl mjólk
8-8 1/2 dl haframjöl
50-75 gr smjör/smjörlíki
3 msk hjartarsalt
1/2 dl volgt vatn
3 dl sykur
um 8 1/2 dl hveiti

1. Blandið saman mjólk og haframjöli, og látið blönduna standa í 4-5 klukkustundir, eða yfir nótt.
2. Bræðið feitina.
3. Leysið hjartarsaltið upp í vatninu. Hrærið öllu saman í jafnt deig. Fletjið það út með kökukefli, ca. 4-5 mm þykkt.
4. Stingið í deigið með gaffli. Skerið út hringlaga kökur, um 10 cm í þvermál og leggið á smurða plötu.
5. Bakið í miðjum ofni við 225°c í 8-10 mínútur þar til kökurnar verða ljósbrúnar að lit.

Graskersbaka (uppskrift úr Morgunblaðinu)

Botn:
1 bolli hveiti
1/8 tsk salt
1/3 bolli smjör, kælt
3 msk kalt vatn

Fylling:
2 egg
1 bolli púðursykur
1/2 bolli rjómi
450 gr graskersmauk
1 tsk kanill
1/2 tsk engifer
1/2 tsk múskat
1/2 tsk salt

Þeyttur engiferrjómi:
1/2 bolli rjómi (ekki matreiðslurjómi)
1 msk sykur
1/4 tsk engifer

1. Stillið ofninn á 220°. Hrærið saman hveiti og salti í stórri skál; bætið við smjöri í bitum. Vatni er bætt við og hrært saman meðgaffli. Hnoðið deigið í kúlu.
2. Fletjið deigið út á hveitistráðu borði (ekki hafa of mikið hveiti) í hring sem er ca 28 cm í þvermál. Setjið í bökumót sem er 26 cm í þvermál. Fjarlægið það þeig sem fer útfyrir. Geymið botninn meðan fyllingin er útbúin.
3. Hrærið egg á meðalhraða í stórri skál þangað til þau eru orðin þykk (ca 2-3 mínútur). Bætið við rest af hráefni í fyllinguna, hrærið uns allt er vel blandað saman (ca. 1-2 mínútur).
4. Setjið fyllinguna ofan á botninn. Bakið í 10 mínútur. Lækkið þá hitann í 180°. Bakið áfram í 40-50 mínútur. Stingið með hníf í miðju bökunnar til að athuga hvort hún sé tilbúin. Ef hnífurinn er hreinn eftir að það hefur verið gert er bakan tilbúin. Kælið alveg.
5. Þeytið 1/2 bolla af rjóma í skál, á hæsta styrk . Bætið sykri og engifer við. Haldið áfram að þeyta uns rjóminn er orðinn stífur (ca. 1-2 mínútur).
6. Berið bökuna frama með engiferrjómanum. Ef ekki á að bera bökuna strax fram þarf að geyma hana og rjómann i kæli.


Brownies

150 gr smjör
60 gr suðusúkkulaði
3 egg
1 1/2 dl sykur
2 dl hveiti
15 gr kakó
3gr lyftiduft
1 gr salt
1 dl saxaðir hnetukjarnar

1. Smjör og súkkulaði er brætt við lítinn hita (best í vatnsbaði).
2. Egg og sykur eru þeytt mjög vel saman. Bráðnaða súkkulaðinu er hrærtsaman við.
3. Hveiti, lyftiduft og kakó er sigtað og hrært gætilega saman við ásamt söxuðum hnetukjörnum.
4. Deigið er látið í vel smurt kantað kökumót (20x30 cm).
5. Bakað neðst eða miðjum ofni í 20-30 mínútur við 175°c. Látið kólna í mótinu. Skerið þá í 16-20 ferkantaða bita.


Lærissneiðar á portúgalska vísu

Salt, pipar og hvítlauksduft eftir smekk
3 msk hveiti
840 gr lambalærissneiðar
220 gr niðursoðnir sveppir
2 laukar, saxaðir
3 dl kjötkrafur
3 msk tómatpúrré
Rjómi eftir smekk

1. Blandið kryffinu og hveitinu vel saman og veltið síðan sneiðunum upp úr því; gott er að skera sneiðarnar í minni stykki.
2. Steikið lærissneiðarnar á pönnu og setjið þær því næst í smurt eldfast mót.
3. Setjið sveppina á pönnuna og steikið þá þar til þeir eru orðnir harðir.
4. Setjið laukinn með og hitið hann þar til hann er orðinn ljósgulur.
5. Stráið hveiti yfir pönnuna og jafnið því létt saman við sveppina og laukinn.
6. Setjið kjötkraftinn út í ásamt tómatmaukinu og að síðustu rjómann.
7. Hellið öllu af pönnnni yfir í eldfasta mótið; hitið við 120°C í 20 mínútur.

Berið fram með hrísgrjónum, salati og hvítlauksbrauði.


Waldorfsalat Baby Oil

2 rauð epli með hýði, brytjuð smátt
1/2 stöngull sellerí, saxaður smátt
4 msk valhnetur, saxaðar
20 vínber skorin í tvennt og steinhreinsuð
1/2 dl mæjónes
2 tsk sykur
2 tsk sítrónusafi
1 dl þeyttur rjómi
e.t.v. 1 dl sýrður rjómi (ef ykkur finnst sósan vera of lítil)

1. Hrærið sman mæjónesi (sýrðum rjóma), sykri og sítrónusafa.
2. Blandið ávöxtum og selleríi varlega saman við sósuna og síðast þeytta rjómanum.
3. Salatið má bíða í kæliskáp í nokkrar klukkustundir .

Fallegt er að setja 1-2 greinar af rifsberjum til skrauts ofan á skálina ef um hátíðlegt tækifæri er að ræða.
Osta- og skinkusalat

6 dl brauðostur í teningum
2 dl skinkustrimlar
1 dl ólífur í bátum
1/2 rauð paprika, í strimlum
1/2 græn paprika, í strimlum
2 vorlaukar, í sneiðum
2-3 hvítlauksrif, söxuð
1 1/2 dl ólífuolía
2 msk steinselja, söxuð

1. Öllu blandað saman.

Gott að bera fram með ristuðu brauði.
Getur einnig hentað sem meðlæti á hlaðborði.


Mangó- og Cashewhnetusalat

1 mangó - afhýtt, fræhreinsað og skorið í teninga
1 stórt, rautt epli - afhýtt, kjarnhreinsað og sneitt
3/4 bolli ristaðar cashewhnetur
1 msk balsamic edik
1/2 tsk kanill
1/4 tsk engifer
örlítið salt

1. Blandið öllu saman í meðalstóra skál.

Saumaklúbbsréttur

1 pakki Golden Savoy hrísgrjón
Sveppir
Skinka
Spergilkál (broccoli)

Sósa:
1 peli kaffirjómi
1/4 gráðostur
3 msk mæjónes
Rifinn ostur

1. Hrísgrjónin eru soðin og sett í eldfast mót.
2. Sveppir eru steiktir, spergilkál er snöggsoðið og eru þetta sett yfir ásamt skinku í strimlum.
3. Sósan er hrærð og hellt yfir.
4. Rifnum osti er bætt ofan á.
5. Hitað við 180°c í u.þ.b. 20 mínútur eða þar til osturinn er farinn að brúnast.

Papriku-vínarbrauð

Frosið smjördeig, þítt í ísskáp
1 rauðlaukur
1/2 gul paprika, söxuð
1 rauð paprika, söxuð
Salsasósa í krukku
Rifinn ostur
Salt og pipar
Olía, til steikingar
Egg, til penslunar

1. Fletjið smjördeigið út, um það bil 2 mm þykkt og hafið það 17 cm á breidd.
2. Léttsteikið lauk og papriku í olíu, í stutta stund og kryddið með salti og pipar. Lækkið hitann niður á minnsta straum, setjið lokið á og látið grænmetið mýkjast vel.
3. Smyrjið salsasósu á smjördeigslengjurnar og látið síðan paprikumaukið í miðjuna, eftir endilöngu. Stráið svolitlum rifnum osti yfir og brettið upp hliðarnar, svo brúnirnar komi saman í miðju.
4. Penslið m& eggi og stráið osti yfir.
5. Bakið við 200°c í 10-15 mín. Kælið og skerið niður.

Paprikulengja

1 1/2 dl heitt vatn
1 1/2 dl súrmjólk
25 gr þurrger (2 1/2 tsk)
2 msk olía
1/2 tsk sykur
1 tsk salt
1 dl hveitiklíð
5 1/2 dl hveiti

Ofan á:
1/2 rauð paprika
1/2 græn paprika
1/2 gul paprika
Rifinn ostur

1. Takið frá 1 dl af hveiti og geymið á diski til að nota síðar.
2.Blandið saman vatni og súrmjólk
3. Blandið öllum þurrefnunum og gerinu líka, saman við mjókurblönduna og hrærið og hnoðið.
4. Bætið við hveitinu sem tekið var frá eftir þörfum ef deigið reynist of blautt.
5. Látið deigið hefast í skál og volgu vatnsbaði í eldhúsvaskinum í ca. 15 mínútur.
6. Sláið deigið niður og hnoðið þar tl það klístrast hvorki við borð né hendur, bætið vð hveiti ef þörf þykir og skiptið deiginu í tvennt.
7. Búið til tvær sívalar lengjur og fletjið þær síðan út með lófanum.
8. Penslið lengjurnar með eggjablöndu.
9. Þvoið paprikurnar og skerið þær niður í lengjur og raðið þeim yfir brauðlengjurnar og stráið rifnum ostinum yfir.
10. Bakið í 12-15 mínútur við 200°C.

Berið fram með smjöri.


Súkkulaðirískökur

200 gr súkkulaði
100 gr smjörlíki
4 msk síróp
4 bollar Rice Crispies

1. Bræðið súkkulaði, síróp og smjörlíki í skál yfir heitu vatni. Kælið örlítið og blandið Rice Crispies saman við.
2. Setjið í lítil einnota kökumót og kælið.

Ágætt er að geyma kökurnar í frysti.

Thousand Island sósa

1 dós sýrður rjómi
2 msk mæjónes
3 msk Sweet Relish
2 msk mjög smátt saxaður laukur
2 msk smátt söxuð steinselja
Cayenne-pipar af hnífsoddi
Salt af hnífsoddi

1. Blandið öllum saman og kælið.

Súpa með epli, beikoni og tómötum

5 sneiðar beikon
1 msk ólífuolía
1/2 laukur, saxaður
2 tsk hvítlaukur, pressaður
2 bollar kjötkraftur
440 gr pintóbaunir
410 gr niðursoðnir tómatar, maukaðir
2 stilkar sellerí, brytjað
1 lárviðarlauf
1 meðalstórt epli, sneitt þunnt
1/2 bolli rauðvín
Salt
Pipar

1. Setjið beikonið á pönnu og steikið það við meðalhita þar til það er orðið fallega brúnt. Þerrið það, saxið smátt og látið til hliðar.
2. Hitið olíu í stórum potti við meðalhita og hitið laukinn og hvítlaukinn í henni í um það bil 3-5 mínútur eða þar til laukurinn er mjúkur. Bætið út í kjötsoði, baunum, tómötum, selleríi og lárviðarlaufi. Náið upp suðu, lækkið þá hitann og látið malla í smá tíma.
3. Hitið eplin í rauðvíninu í öðrum potti við meðalhita þangað til þau verða mjúk.
4. Bætið beikoninu, eplunum og restinni af rauðvíninu út í súpuna. Kryddið með salti og pipar. Haldið áfram að sjóða hana og hrærið í öðru hvoru þar til allt er vel blandað.


Salsa

Gerir um 1/2 lítra af sósu.

4 stórir tómatar, smátt saxaðir
1 meðalstór laukur, smátt saxaður
1 hvítlauksrif, pressað
1/2-1 chilipipar, smátt saxaður
1/2 tsk koríanderduft
1 msk ferskur sítrónusafi
1/2 tsk oreganó
1/4-1/2 tsk salt

1. Blandið öllu saman.
2. Kælið sósuna í a.m.k. 2 klukkustundir fyrir framreiðslu.
3. Sósan geymist í 5 daga.

Góð með tortillas og ýmsum mexíkönskum mat.


Sætsúpa

1,25 lítrar vatn
50 gr sagógrjón
15 sveskjur
1 dl rúsínur
Kanilstöng og negulnaglar ef vill
1-2 dl saft
Sykur
1/2 sítróna, safi og fínt rifinn börkur

1. Suðu er hleypt upp á vatninu. Bætt er svo við þvegnum grjónum, rúsínum og sveskjum, kanilstöng og negulnöglum og soðið í 20-30 mínútur.
2. Bætið svo við saft og sykri og látið suðuna koma upp aftur.
3. Bragðbætið með berki og safa úr sítrónu, en eftir það má súpan ekki sjóða.


Pestó með sóþurrkuðum tómötum

1 krukka sólþurrkaðir tómatar í olíu
4 pressuð hvítlauksrif
1 lítil krukka grænar ólífur
1 pakki frosnir basilteningar eða 1 búnt ferskt basil
1 msk sykur
1 msk balsamedik
1 tsk svartur pipar

1. Allt sett í matvinnsluvél

Pestó

2 fersk basilbúnt
2 msk furuhnetur
2 hvítlauksrif
2 dl ólífuolía
2 msk parmesan, nýrifinn
Salt
Nýmalaður pipar

1. Setjið allt í matvinnsluvél og maukið vel saman.

Kjötsúpa

1,2 lítrar vatn og kjötkraftur
400 gr lambakjöt
1 tsk salt
200 gr gulrætur
200 gr gulrófur
100 gr hvítkál
7 msk súpujurtir
1 laukur
1 dl kalt vatn
3 msk súpuduft (blómkáls- eða blaðlaukssúpuduft)

1. Hreinsið og skerið kjötið í fremur litla bita og látið út í sjóðandi vatn ásamt kjötkrafti. Lækkið hitann í minnsta straum en passið að suðan detti ekki niður.
2. Veiðið froðuna af þegar suðan er komin upp og sjóðið í 30 mínútur.
3. Flysjið rófur og gulrætur og skerið smátt helminginn af þeim og setjið út í kjötpottinn þegar kjötið hefur soðið í hálftíma og sjóðið með kjötinu síðasta korterið af suðutímanum. Skerið hinn helminginn í stærri bita og sjóðið sér og berið fram með kjötinu.
4. Skerið hvítkálið fremur smátt og sjóðið það í súpunni síðasta korterið ásamt hinu grænmetinu.
5. Hristið saman í hristiglasi súpuduftið og 1 dl af vatni og hrærið út í súpuna og látið sjóða með síðustu 10 mínúturnar.

Borið fram með kartöflum.



Hunangsmelónu- og bláberjasúpa

1 hunangsmelóna
1 box bláber
6 hafrakexkökur

1. Skerðu melónuna í tvennt og hreinsaðu innan úr henni. Taktu svo allt aldinið úr með skeið og settu í matvinnsluvél og maukaðu þar til það er orðið að stöppu. Settu maukið þá í stóra skál og hrærðu bláberjunum saman við. Kældu vel.
2. Áður en súpan er borin fram, skal setja hana í skálar og mylja hafrakex yfir hverja skál.

Graskerssúpa

2 msk jurtaolía
1 saxaður laukur
1 tsk engifer
700 gr saxað grasker, hýði og fræ fjarlægt
4 1/2 dl kjúklingasoð (kraftur og vatn)
1 tsk kanill
1 1/2 dl mjólk
salt
pipar
2 msk limesafi

1. Steikið laukinn, bætið við graskerinu og soðinu. Látið malla í 20 mínútur.
2. Maukið súpuna í matvinnsluvél og setjið aftur í pottinn.
3. Bætið við mjólkinni, salti og pipar og bætið við kryddi ef þarf.
4. Hitið og bætið við limesafanum og berið fram.

Gráðostasósa fyrir salat

1 lítið lauf gráðostur
1 dós sýrður rjómi
2 msk mæjónes
1 tsk sykur
1 lítið hvítlauksrif, marið
Safi úr 1/2 sítrónu
1/4 tsk ferskmalaður pipar

1. Blandið öllu saman í blandara og kælið

Frönsk lauksúpa

400-500 gr laukur
1 msk olía
1 lítri kjötsoð eða vatn+súputeningur
Pipar
Chiliduft
Ristað franskbrauð
Brauðostur
Steinselja

1. Hreinsið og brytjið laukinn jafnt og smátt. Hitið hann í olíunni þangað til hann verður gulbrúnn (má alls ekki brenna).
2. Bætið 1-2 msk af vatni á laukinn ef hann vill festast við.
3. Hellið soðinu á laukinn og sjóðið við vægan hita í 1/2-1 klukkustund. Kryddið með salti og chilidufti. Gott er að sjóða steinseljugrein með í súpunni.
4. Rífið ostinn og ristið brauðsneiðarnar eins margar og hægt er að raða ofan á súpuskálina/pottinn. Raðið þeim ofan á og þekið með rifna ostinum.
5. Bakið strax í 250°c heitum ofni eða undir grilli þangað til osturinn er bráðnaður og myndast hefur gulbrún ostskorpa yfir alla skálina. Yfirborð skálarinnar á að vera fyrir ofan miðjan ofn.

Berið fram með hvítlauksbrauði eða öðru góðu brauði ásamt salati.


Eplasósa (góð með steiktu svína-, anda- eða gæsakjöti)

Magn: 5 dl

1/2 kg epli
3 msk smjör
2 msk sítrónusafi
1 heill negull
sykur eftir smekk
Klípa af möluðum kanil

1. Setjið þunnar, afhýddar eplasneiðar í pott ásamt smjöri, sítrónusafa og negulnagla. Sykrið eftir þörfum.
2. Látið lok á og sjóðið við mjög lágan hita uns eplin eru mjúk. Takið þá naglann í burtu.
3. Notið gaffal til að hræra innihaldinu í mauk. Bætið kanil út í.

Berið fram með steiktu svína-, anda- eða gæsakjöti.


Brauðsúpa með pilsner

200 gr seytt rúgbrauð
4 dl vatn
1 flaska pilsner
1 sítróna, börkur
1/2 - 1 dl maltöl eða púrtvín
Sykur eftir smekk

1. Skerið brauð í litla teninga og leggið í bleyti í vatninu í einn sólarhring.
2. Setjið brauðið í pott ásamt rifnum sítrónuberki og pilsner. Sjóðið vel í um 30 mínútur.
3. Hellið súpunni í gegnum sigti og setjið aftur í pottinn.
4. Hitið og bragðbætið með sykri og maltöli/púrtvíni.

Pylsur í chilisósu

1 pakki kartöflumús (125 gr)
8 pylsur
1 blaðlaukur
2 msk matarolía
1 dl chilisósa
1/2 dl kaffirjómi
3 skinkusneiðar
Rifinn ostur
Graslaukur

1. Útbúið kartöflumús samkvæmt leiðbeiningum á umbúðum.
2. Skáskerið pylsurnar í fernt og raðið þeim í smurt eldfast mót. Skerið skinkuna í lengjur.
3. Skerið blaðlauk í strimla og mýkið í örlítilli olíu. Setjið ofan á pylsurnar ásamt skinkunni.
4. Hrærið matarolíu út í chilisósu ásamt rjóma og hellið yfir pylsurnar.
5. Sprautið kartöflumúsinni úr rjómasprautu í mótið við jaðrana eða setjið á með skeið. Stráið rifnum osti yfir og bakið við 200°c í 15-20 mínútur. Saxið graslauk yfir og berið fram salati og brauði.

Karrýkryddsmjör

200 gr kryddsmjör
Karrý eftir smekk
ögn af sítrónusafa
Salt eftir smekk
Hvítur pipar eftir smekk

1. Hrærið smjörið mjúkt.
2. Kryddið eftir smekk.
3. Myndið pylsu úr smjörinu og leggið á álpappír. Pakkið því inn í álpappírinn.
4. Kælið þar til það er orðið stíft.
5. Skerið í sneiðar.

Jólakryddsmjör

125 gr smjör, mjúkt
2 msk rauðvín (bragðmikið)
2 msk steinselja
2 msk sítrónupipar
2 msk rósapipar

1. Blandið öllu saman, rúllið upp í smjörpappír og pakkið þétt utan um rúlluna.
2. Frystið og skerið í sneiðar rétt áður en það er borið fram með steikinni.



Hvítlaukskryddsmjör

200 gr smjör
Hvítlaukur eftir smekk
söxuð steinselja eftir smekk
Sítrónusafi eftir smekk
Salt og pipar eftir smekk

1. Hrærið smjörið mjúkt.
2. Kryddið eftir smekk.
3. Myndið pylsu úr smjörinu og leggið á álpappír. Pakkið því inn í álpappírinn.
4. Kælið þar til það er orðið stíft.
5. Skerið í sneiðar.



Hunangsönd

2 kg önd, hreinsuð
1 tsk fersk basillauf, söxuð
1 tsk fersk engiferrót, söxuð
1 tsk salt
1/2 appelsína, brytjuð
2 bollar vatn
1 bolli hunang
1/2 bolli smjör
1 tsk sítrónusafi
1/2 bolli appelsínusafi sem fæst frosinn í dós, látið þiðna

1. Forhitið ofninn í 175°c
2. Blandið saman í lítilli skál basil, engiferrótinni og salti, stráið blöndunni á öndina jafnt að utan sem innan. Fyllið öndina með appelsínunni og setjið hana á grind í ofnskúffu. Hellið vatni í ofnskúffuna.
3. Í litlum potti skal blanda saman hunangi, smjöri, sítrónusafa og appelsínuþykkninu. Sjóðið við lágan hita þar til blandan verður svipuð sírópi; setjið smá af blöndunni yfir öndina og þekjið ofnskúffuna með t.d. brúnum bréfpoka.
4. Bakið/grillið í 30 mínútur. Látið andarbringuna snúa niður, lækkið hitann í 150°c og eldið áfram í 2 1/2 klukkurstund, eða þar til öndin er tilbúin. Ef þið viljið getið þið snúið bringunn upp síðustu mínúturnar til að gefa þeim brúnað til.


Tælensk súpa

500 gr meðalstórar rækjur
2 ferskir eða 2 msk þurrkað sítrónugras
4 fersk eða þurrkuð kaffir-limelauf
eða 1 msk fínt rifinn sítrónubörkur
1.3 lítrar kjúklingasoð
1 msk fiskisósa eða salt til að bragðbæta
3 msk ferskur limesafi
1 tsk tælensk chilimauk (nam prik pow) - ef það fæst ekki má nota 1/4 tsk cayennepipar, 1/4 tsk sykur og 1/2 tsk olíu í staðinn
12 meðalstórir ferskir sveppir
3 ferskir grænir chilipiprar
3 msk cilantro

1. Þvoið og hreinsið rækjurnar. Geymið skeljarnar. Þvoði þær aftur, þurrkið, hyljið og geymið í ísskáp.
2. Ef þið notið ferskt sítrónugras skulið þið skera hvern stilk í þrjá bita. Ekki nota toppinn. Merjið sítrónugrasið lauslega.
3. Blandið saman á pönnu sítrónugrasi, limelaufum, kjúklingasoði og rækjuskeljum. Náið upp suðu. Lækkið þá hitann og sjóðið í 20 mínútur.
4. Síið soðið og bætið svo við fiskisósu, limesafa og chilimauki.
5. Skerið hvern svepp í fjóra hluta og setjið þá í léttsaltafð vatn. Sjóðið í eina mínútu. Hellið vatninu af og setjið þá út í soðið.
6. Skreytið rétt áður en borið er fram. Skerið chili í þunna bita. Þvoið og þurrkið cilantroið. Rétt áður en súpan er borin fram skal endurhita hana og um það leyti sem hún fer að sjóða skal setja rækjurnar út í. Eldið á meðalhita í 2 mínútur eða þar til rækjurnar eru til.
7. Skreytið með chili og cilantro. Berið fram heita.


Steiktar núðlur

230 gr núðlur
1 kjúklingabringa, bein- og skinnlaus
8 meðalstórar rækjur, skelflettar
1/2 bolli vatn
1/4 bolli fiskisósa (fæst m.a. í Hagkaup og hjá Nings)
3 msk sykur
1 msk limesafi
1 tsk paprikuduft
1/8 tsk cayennepipar
500 gr baunasprotar
3 blaðlaukar, hvíti hlutinn eingöngu notaður, sneiddur
3 msk grænmetisolía
4 stór hvítlauksrif, fínt söxuð
1 egg
4 msk fínt muldar, ristaðar hnetur

1. Setjið núðlurnar í stóra skál og setjið vatn út í þannig að þær eru allar undir vatni. Látið liggja þar í 45 mínútur.
2. Skerið kjúklingabringurnar í strimla og rækjurnar í tvennt. Setjið til hliðar.
3. Blandið saman vatni, fiskisósu, sykri, limesafa, paprikudufti og cayennepipari í lítilli skál. Setjið til hliðar.
4. Geymið 1/4 af baunasprotunum til skreytingar en blandið saman rest af þeim við blaðlaukinn.
5. Hellið vatninu af núðlunni. Hitið wok-pönnu á meðalhita með olíu á. Bætið hvítlauknum á og steikið þar til hann er farinn að brúnast. Lækkið þá hitann.
6. Setjið þá kjúklinginn út og steikið þar til hann er næstum eldaður í gegn eða um 2 mínútur. Ýtið honum til hliðar á pönnunni. Brjótið eggið út á pönnuna og hrærið hratt. Þegar eggið er tilbúið skal blanda því við kjúklinginn.
7. Bætið núðlunum, rækjunum, vökvablöndunni og 3 msk af hnetum. Eldið yfir háum hita í 2-3 mínútur eða þar til núðlurnar eru mjúkar og mestur vökvi er gufaður upp.
8. Bætið við baunasprota- og blaðlauksblöndunni og steikið í 1 mínútu í viðbót.
9. Skiptið á diska og skreytið með restinni af baunasprotunum og hnetunum.


Enskar skonsur

1/2 kg hveiti
1 tsk salt
15 gr sykur
5 tsk lyftiduft
75 gr smjörlíki
1-2 bollar súrmjólk
1 egg

1. Öllum þurrefnunum er blandað saman.
2. Smjörlíkið mulið út í.
3. Egg og súrmjólk hrært saman og hellt út í þurrefnin og hrært.
4. Síðan er deigið hnoðað og hveiti bætt í ef þörf þykir. Passa að gera deigið ekki hart.
5. Flatt út með kökukefli og skonsur mótaðar með kringlóttu smákökumóti.
6. Penslað með eggja- og mjólkurblöndu og sesamfræjum stráð yfir.
7. Bakað við 200°c þar til skonsurnar eru orðnar ljósbrúnar á litinn.

Borið fram með osti, góðri bláberjasultu og jafnvel sýrðum rjóma (en þá er ostinum sleppt).



Egypskt salat

1/2 kálhaus
2-3 agúrkur
1 lítill rauðlaukur
2 þroskaðir tómatar
Salt
Safi úr 1/2 sítrónu
2 msk olífuolía

1. Skerið grænmetið, saltið það og setjið sítrónusafann út á. Blandið öllu vel til að saltið leysist upp.
2. Setjið aðra skeiðina af olíunni út í og hrærið, setjið svo hina og hrærið.
3. Ef salatið glansar ekki þarf jafnvel meiri olíu.
4. Setjið í kæli.


Sjávarréttir í kryddlegi

150 gr hörpudiskur
250 gr rækjur
1/2 agúrka
1 paprika, rauð
3 hvítlauksrif, pressuð
1 msk ferskt kóríander, saxaðsmátt
2 msk ferskur appelsínusafi
Safi úr 1 lime
1 dl ólífuolía
1 avokadó
Salt
Pipar

1. Byrjið á að skera hörpudiskinn í litla bita. Því næst er agúrkan kjarnhreinsuð ásamt paprikunni og saxaðar smátt.
2. Blandið öllu hráefninu saman, nema avokadóinu. Það er svo skorið í sneiðar og borið fram með réttinum.

Best er að útbúa réttinn u.þ.b. 6-10 klst. fyrir framreiðslu.
Berið fram á léttristuðu brauði.


Rækjur með kryddlegnum spergli

4 stórar dósir grænn aspas
3 msk olía
1 tsk salt
1 tsk pipar
1 tsk múskat
1200 gr rækjur
2 dl mæjónes
Safi úr ferskri sítrónu

1. Blandið saman olíu, salti, pipar og múskati og hellið yfir spergilinn.
2. Hrærið mæjónes út með sítrónusafa eftir smekk.
3. Skiptið spergli og rækjum á milli 8 forréttadiska og berið fram með mæjónessósunni.


Rækju- og kræklingasalat

200 gr kræklingur
1 dós aspas
150 gr ferskir sveppir
1 búnt lambhagasalat
200 gr grænar baunir, frosnar
200 gr stórar rækjur
1/2 sítróna
Ferskt dill

Sósa:
1 hvítlauksrif
1 1/2 msk hvítvínsedil
1 msk ólífuolía
1/2 tsk salt
1/2 tsk svartur pipar
1 1/2 msk dijonsinnep
2 msk chilisósa
Sítrónusafi ef vill

1. Hellið soði af aspas og kræklingi. Hreinsið sveppi og skerið í sneiðar. Rífið salatið niður. Blandið öllu saman í stóra skál og bætið rækjumog grænum baunum út í. Skreytið með sítrónusneiðum og fersku dilli.
2. Fínsaxið hvítlauksrifið. Hellið saman ediki og olíu, bætið salti og pipar saman við ásamt sinnepi og hvítlauk, hrærið vel. Bragðbætið með chilisósu og sítrónusafa. Hellið yfir salatið og blandið vel eða berið fram í sér skál.
3. Berið fram með nýbökuðu brauði.


Súkkulaðiostaterta

14 stk haustkex
1/4 tsk kanill (blandaður sykri)
100 gr bræddur smjörvi
1/4 lítri rjómi
2 eggjahvítur
250 gr rjómaostur
1 dl sykur
2 eggjarauður
100 gr súkkulaði

1. Myljið kexið og setjið saman við brætt smjörið og kanilinn. Setjið svo í botninn á form.
2. Rjóminn er þeyttur og eggjahvíturnar stífþeyttar.
3. Rjómaosturinn er hrærður með sykri og eggjarauðum. Súkkulaðið er brætt og sett saman við.
4. Síðast er rjómanum og hvítunum bætt í . Þetta er sett ofan á kexbotninn.
5. Skreytið með jarðaberjum.
Bláberjaostakaka

Í botn:
200 gr ósaltað smjör
½ pakki Homeblest súkkulaðikex
½ pakki Grahamskex

Í fyllingu:
1 peli rjómi
200 gr rjómaostur
1 lítil dós af bláberjaskyri
½ bolli flórsykur

Ofaná:
Bláberjagrautur eða bláberjasulta

1. Bræðið smjörið og myljið kexið út í. Hellið þessu í botninn á kringlóttu fati. Jafnið botninn út í allt fatið.
2. Þeytið rjómann.
3. Þeytið saman rjómaostinum, skyrinu og flórsykrinum. Þeytið þar til blandan er kekkjalaus. Hrærið þá rjómanum varlega út í. Hellið blöndunni yfir kexið og smyrjið blöndunni varlega yfir það.
4. Að lokum er bláberjagrautnum/-sultunni hellt yfir kökuna. Ekki láta mjög þykkt lag.
5. Kælið í tvo tíma áður en kakan er borin fram.

Karrýpottréttur

750 gr beinlaust svínakjöt
1 tsk. karrý
1 tsk. salt
2 msk. smjör
3 dl. kjötsoð
1 lítil dós tómatmauk
1 msk. hveiti
1 dl. rjómi

1. Skerið kjöt í smábita og brúnið í smjöri og karrý. Færið í eldfastan pott, hrærið tómatmaukið út í soðið og hellið yfir. Látið krauma undir þéttu loki í u.þ.b. 1 klst. Hrærið saman 1 msk. af smjöri við 1 msk. af hveiti og látið út í pottinn um leið og rjómanum er bætt við. Látið krauma í u.þ.b. 15 mín.

Borið fram með salati, hrísgrjónum og snittubrauði.

Eftirlæti eiginmannsins

300 gr eggjanúðlur
750 gr nautahakk
410 gr tómatar í dós, í bitum - safinn notaður líka
1 tsk salt
1 msk sykur
1 1/2 bolli sýrður rjómi
90 gr rjómaostur
1/2 laukur, saxaður
1 bolli rifinn ostur

1. Forhitið ofninn í 175°c
2. Náið upp suðu hjá léttsöltuðu vatni, notið stóran pott. Setjið núðlurnar útí og sjóðið í 8-10 mínútur, hellið þá vatninu af.
3. Brúnið hakkið á pönnu við meðalhita. Bætið við tómötum, safanum af þeim, salti og sykri og sjóðið í 15 mínútur.
4. Hrærið saman sýrða rjómanum, rjómaostinum og lauknum í skál, blandið vel. Setjið helminginn af núðlunum í botninn á eldföstu móti, þá alla hakkblönduna, svo rjómablönduna. Látið því næst restina af núðlunum og setjið rifinn ost ofan á.
5. Bakið í 25 mínútur.

Túnfiskspasta

300 gr pastaskeljar
2 saxaðir laukar
1 hvítlauksrif, pressað
15 gr smjör
1 dós (400 g) tómatar
2 dl vatn
100 gr hreinn rjómaostur
1 tsk kjötkraftur
2-3 msk tómatkraftur
200 gr túnfiskur
1/4 tsk salt
1/4 tsk svartur pipar
1/2 dl fersk steinselja, söxuð
75-100 gr ostur, rifinn

1. Látið lauk og hvítlauk krauma í smjörinu í nokkrar mínútur.
2. Bætið tómötum, vatni, kjötkrafti og tómatkrafti út í og látið sjóða undir loki í u.þ.b. 15 mínútur.
3. Setjið rjómaostinn út í og látið hann bráðna.
4. Setjið því næst túnfiskinn í bitum út í sósuna og kryddið með salti og pipar.
5. Sjóðið pastað samkvæmt leiðbeiningum á pakkanum og sigtið svo allt vatn frá.
6. Setjið pastað á fat, hellið sósunni yfir og stráið ostinum yfir.

Berið fram með heitu brauði.

Tortellini með spergilkáli og sveppum

1 laukur
5 hvítlauksrif
1 poki tortellini með gráðosti
1 búnt spergilkál
250 gr ferskir sveppir
Olía
Salt
Pipar
1/2 dós rjómagráðostur
Kaffirjómi
örlítill rifinn ostur

1. Laukur og hvítlaukur linaður á pönnu.
2. Pasta soðið samkvæmt leiðbeiningum á pakka.
3. Spergilkálið klofið í greinar og soðið.
4. Sveppirnir steiktir í olíunni, gráðostinum blandað saman við og þynnt með kaffirjómanum.
5. Öllu blandað saman og sett í smurt eldfast mót og rifnum osti stráð yfir.
6. Bakað við 200°c þar til osturinn er bráðnaður og aðeins farinn að brúnast.

Gott er að blanda niðurbrytjaðri skinku í réttinn.
Berið fram með hrásalati og snittubrauði.


Sólskinsslaufur

125 gr pastaslaufur
50 gr smjör
1 hvítlauksrif, pressað
1 kúrbítur, í teningum
1 eggaldin, í teningum
1 rauðlaukur, skorinn í 8 báta
1 tsk þurrkað basil
1/2 tsk salt
1/2 tsk pipar
175 gr mozzarella, rifinn

1. Sjóðið pastað.
2. Látið hvítlaukinn krauma í smjöri í nokkrar mínútur og setjið síðan allt út í nema ostinn og pastað.- látið krauma í 5-6 mínútur og hrærið í af og til.
3. Bætið pastanu út í og látið malla í 3-4 mínútur.
4. Setjið ostinn yfir og berið réttinn fram þegar osturinn er bráðnaður.


Pizzusósa

2 dósir niðursoðnir tómatar í bitum
2 msk ólífuolía
1 laukur, saxaður
2-3 hvítlauksrif
1 tsk salt
2 tsk sykur
Pipar eftir smekk
1 tsk óreganó
1 tsk tímían
1 tsk rósmarín

1. Látið allt hráefnið í pott og sjóðið í 30 mínútur.

Pastasalat með silung

280 gr spaghetti eða núðlur
200 gr mozzarellaostur
120 gr reyktur silungur
1 agúrka, skorin í litla bita
1 búnt basilíka
ólífuolía
salt

1. Sjóðið pastað samkvæmt leiðbeiningum, en passið að ofsjóða það ekki. Sigtið síðan.
2. Skerið silunginn og ostinn í litla bita og blandið saman við kalt pastað ásamt olíudreitli og salti eftir smekk.
3. Rífið basilíkulaufin eða klippið yfir.

Pasta með pepperoni, ólífum og sólþurrkuðum tómötum

300 gr pastaskrúfur eða fiðrildi
200 gr ferskir sveppir, skornir í sneiðar
200 gr pepperoni eða salamipylsa, skorin í strimla
6-8 sólþurrkaðir tómatar, skornir í strimla
100 gr svartar ólífur
1/2 dl ólífuolía
1/4 dl balsamik edik

1. Sjóðið pastað og kælið það í sigti undir rennandi vatni
2. Setjið pastað í skál ásamt sveppunum, pepperoni, tómötum og ólífum
3. Blandið saman olíunni og edikinu og hellið yfir salatið
4. Blandið öllu vel saman

Pasta með beikon og kryddosti

250 –300 gr pastaskrúfur
1 bréf skinka
1 bréf beikon
1 paprika
200 gr sveppir
3 hvítlauksrif
1 peli rjómi
1 box kryddostur
Salt
Grænmetiskraftur
Steinselja, söxuð

1. Sjóðið pastað.
2. Saxið beikon, skinku, sveppi og hvítlauk, brúnið á pönnu. Setjið saman við pastað.
3. Bræðið saman rjómann og kryddostinn, hellið yfir.
4. Skreytið með saxaðri steinselju.

Ofnbakað spaghettí með skinku

2 stórir laukar, saxaðir
3 paprikur, saxaðar
1/3 bolli smjörlíki
2 bollar skinka, í teningum
500 gr spaghettí
1 stór dós sveppir
3 ½ bolli tómatar úr dós
3/4 bolli rifinn ostur
1/2 tsk paprikuduft
1 tsk svartur pipar

1. Brúnið lauk og paprika í smjörlíkinu.
2. Bætið öllu hinu hráefninu við nema ostinum.
3. Hellið öllu í eldfast mót og bakið við 180°c í 20 mínútur. Stráið þá ostinum yfir og bakið uns hann hefur tekið lit.

Fyllt pasta í ostasósu

400 gr tortellini
200 gr ostur
100 gr Dalayrja
180 gr rjómaostur m/kryddjurtum
2 1/2 dl matreiðslurjómi
1/2 dl mjólk
Krydd eftir smekk
100 gr beikon

1. Sjóðið pastað eftir leiðbeiningum
2. Rífið ostinn og skerið Dalayrjuna í bita. Hitið rjóma og mjólk í potti og setjið ost, Dalayrju og rjómaost út í og hitið í 2-4 mínútur, eða þar til sósan þykknar.
3. Kryddið sósuna eftir smekk.
4. Skerið beikonið í bita og steikið á þurri pönnu. Blandið beikoninu saman við sósuna.
5. Skammtið pasta á diska, hellið sósunni yfir og stráið saxaðri steinselju yfir ef vill.

15 febrúar 2004

Kjöthleifur frá Amish-fólkinu

750 gr hakk
1 egg, hrært
1/2 tsk salvía
1/2 bolli mjólk
ca 2 bollar Ritz-kex, mulið
1/4 bolli laukur, í litlum bitum
1/2 bolli svissneskur ostur, rifinn + smá aukaostur
Salt
Pipar

Blandið öllu vel saman og mótið úr deiginu sporöskulaga hleif. Honum er komið fyrir á eldföstum disk (eða í eldföstu móti).
Stráið aukaostinum ofan á hleifinn.
Bakið við 180°c í 1 klst.

Þessi kjöthleifur þolir vel að vera frystur.

10 febrúar 2004

Bananakryddbrauð

125 g smjör
150 g sykur
2 egg
225 g hveiti
1 tsk lyftiduft
1 tsk matarsódi
1/2 tsk kanill
1/2 tsk engifer
1/4 tsk negull
3 vel þroskaðir bananar, stappaðir með gaffli
1 dl hrein jógúrt

Ofninn hitaður í 180°C. Smjör og sykur hrært saman, eggjunum þeytt saman við, öðru í einu, og síðan hveiti, lyftidufti, matarsóda, kryddi og jógúrti hrært saman við en þess gætt að hræra ekki of mikið. Banönunum blandað saman við deigið með sleikju og það síðan sett í vel smurt jólakökuform. Bakað í um klukkustund eða þar til prjónn sem stungið er í miðja kökuna kemur hreinn út. Látið hálfkólna í forminu.

Steiktir kartöfluteningar

3 msk olía
50 g smjör
1 kg sætar kartöflur, afhýddar og skornar í teninga, um 1 cm á hvern kant
1 msk engifer, rifið eða saxað mjög smátt
2 tsk allrahanda, steytt
klípa af kanil
klípa af cayennepipar
nýmalaður pipar
salt

Olía og smjör hitað á stórri, þykkbotna pönnu og kartöfluteningarnir steiktir við meðahita í um 10 mín., eða þar til þeir eru meyrir. Hrært oft. Þá er kryddinu hrært saman við og steikt í um 2 mín. til viðbótar. Borið fram með steiktu kjöti eða fuglakjöti.

Grillaðar kjötbollur á teini

600 g magurt lamba- eða nautahakk
1 laukur, saxaður smátt
1 hvítlauksrif, pressað
2 msk jógúrt eða rjómi
nýmalaður pipar
salt
100 g salthnetur
1/2 tsk kanill
1/2 tsk engifer, malaður
1/2 tsk allrahanda, steytt
1 tsk chiliduft
1 tsk paprikuduft
1 egg

Hakk, laukur, hvítlaukur, jógúrt, pipar og salt sett í skál og hrært vel saman. Grillið hitað. Salthneturnar malaðar í matvinnsluvél eða blandara, ekki mjög fínt, og hrært saman við kryddið. Hakkið mótað í aflangar bollur eða pylsur og tein stungið í endann (ef notaðir eru tréteinar er best að láta þá liggja í bleyti í hálftíma fyrir notkun). Eggið slegið, bollunum velt upp úr því og síðan úr salthnetublöndunni. Grillað í um 10 mín. á meðalheitu grilli og snúið oft.

09 febrúar 2004

Tebollur

4 egg
250 gr smjörlíki
250 gr sykur
1 dl mjólk
500 gr hveiti
4 tsk lyftiduft
Ca. 100 gr saxað suðusúkkulaði

1. Sykur og smjörlíki þeytt saman.
2. Eggjunum bætt út í og þeytt.
3. Restinni hrært saman við með sleif.
4. Sett á bökunarplötu (fóðraða með smjörpappír) með skeið.
5. Bakað við 200°c (180°c í blástursofni) þar til bollurnar eru orðnar gulbrúnar.


Kjötsúpa

1,2 lítrar vatn og kjötkraftur
400 gr lambakjöt
1 tsk salt
200 gr gulrætur
200 gr gulrófur
100 gr hvítkál
7 msk súpujurtir
1 laukur
1 dl kalt vatn
3 msk súpuduft (blómkáls- eða blaðlaukssúpuduft)

1. Hreinsið og skerið kjötið í fremur litla bita og látið út í sjóðandi vatn ásamt kjötkrafti. Lækkið hitann í minnsta straum en passið að suðan detti ekki niður.
2. Veiðið froðuna af þegar suðan er komin upp og sjóðið í 30 mínútur.
3. Flysjið rófur og gulrætur og skerið smátt helminginn af þeim og setjið út í kjötpottinn þegar kjötið hefur soðið í hálftíma og sjóðið með kjötinu síðasta korterið af suðutímanum. Skerið hinn helminginn í stærri bita og sjóðið sér og berið fram með kjötinu.
4. Skerið hvítkálið fremur smátt og sjóðið það í súpunni síðasta korterið ásamt hinu grænmetinu.
5. Hristið saman í hristiglasi súpuduftið og 1 dl af vatni og hrærið út í súpuna og látið sjóða með síðustu 10 mínúturnar.

Borið fram með kartöflum.

08 febrúar 2004

Kornflögufiskur með kaldri sósu

2 bollar muldar kornflögur
3 tsk rifinn sítrónubörkur
Salt og pipar
3 tsk sítrónusafi
4 msk smjör
700-800 gr ýsu- eða þorskflök (roðflett)

Sósan:
3 msk léttmajónes
2 msk sýrður rjómi (10%)
3 msk sweet pickle relish
2 msk sítrónusafi
1 msk sætt sinnep

1. Setjið kornflögumylsnuna í skál og bætið sítrónuberkinum, salti og pipar út í.
2. Setjið sítrónusafann í skál, bræðið smjörið og blandið saman við sítrónusafann.
3. Skerið fiskinn í 5 cm strimla (fingur) og penslið með smjörblöndunni. Veltið fiskbitunum síðan upp úr kornflögumylsnunni og raðið í ofnskúffuna (notið bökunarpappír undir).
4. Bakið í 10-15 mínútur.
5. Útbúið sósuna á meðan fiskurinn er í ofninum. Blandið öllu saman sem á að fara í sósuna og geymið í kæli fram að framreiðslu.
Fiskur með appelsínu- og humarsósu

800 gr ýsa
1 tsk salt
1 tsk olía
1-2 hvítlauksrif
1 dós sýrður rjómi 10%
½ dl mjólk
2 msk humarkraftur (Oscar - svört dós)
Rifið hýði af ½ appelsínu
Fersk tímianlauf

1. Hreinsið fiskinn og skerið í meðalstór stykki og stráið salti yfir þau.
2. Merjið hvítlaukinn og mýkið hann í olíunni.
3. Bætið sýrða rjómanum, vatninu, humarkraftinum, appelsínuhýðinu og tímianlaufum á pönnuna. Sjóðið augnablik og hrærið í á meðan.
4. Leggið síðan fiskstykkin á pönnuna og látið þau sjóða í sósunni þar til fiskurinn er orðinn hvítur í gegn. Passið að ofsjóða hann ekki.
5. Skreytið fiskstykkin með svolitlum rifnum appelsínuberki og stórum rækjum.

Borið fram með soðnum kartöflum og brokkólíi.

Nachos-fiskur

800 gr ýsa
5 dl nachos (eftir smekk)
2 ½ dl rasp
1 ½ dl kornflögur
Smá mjólk
1 egg
Salt og pipar

1. Myljið nachos og kornflögurnar smátt og blandið saman við raspið.
2. Sláið egginu og mjólkinni saman.
3. Veltið fisknum upp úr mjólkureggjablöndunni, svo nachosblöndunni og steikið á pönnu.

Meðlæti:
- salat
- hrísgrjón
- salsasósa
- hvítlauksbrauð
- nachos

Pakistankjúklingur
f. 4

750 g kjúklingabringur
1/2 laukur
2 pressuð hvítlauksrif
1 msk ferskur engifer, smátt saxaður
2 msk sítrónusafi
3 tsk malað kóríander
3 tsk malað cumin
3 tsk garam masala
1 tsk salt
1 dl hreint jógúrt

Skerið kjúkling í stóra bita, 3 cm á hlið. Blandið saman lauk, hvítlauk, engifer, sítrónu-safa, kryddi, helst í matvinnsluvél. Bætið við jógúrt og blandið. Þekið kjúklinginn með maukinu og marinerið í sólarhring. Gott er að vera búin að stinga að aðeins í kjúklinginn með hníf eða gaffli. Að sólarhring liðnum er hann grillaður úti eða í ofni. Sumir í Pakistan þræða kjúklinginn upp á grillpinna sem lagðir hafa verið í bleyti.

Meðlæti: hrísgrjón og hin þekkta Sampoor sósa:

sósa:
1/2 - 1 banani
3 dl sýrður rjómi
1 fínsaxað hvítlauksrif
2 tsk Madras mild karrý
2 tsk rautt Ravalapindi karrý (er yfirleitt ekki til, þess í stað er fínt að nota rautt taílenskt karrí)
1/2 tsk jurtasalt
20 dropar af millisterku Uurkana (þið eruð heppin ef þið náið í það, hægt að nota tabascosósu með ágætum árangri)

Stappið bananann og blandið saman við hann sýrðum rjóma og kryddi. Berið fram kalt.

Kjúklingabringur í indverskri sósu

6 kjúklingabringur
250 g dós af tómötum í dós
6 tsk tómatpúrra
6 tsk chilisósa
2 tsk sykur
3 tsk Garam Masala
6 tsk sojasósa
smá engifer
2 rif hvítlaukur
smá skvetta af limesafa og sítrónusafa

Allt (nema kjúkl.) sett í matvinnsluvél og maukað. Kjúklingurinn settur í eldfast mót og gumsinu hellt yfir, (gott að láta liggja í tvo tíma) ofninn stilltur á 190°C og eldað í 45-50 mínútur.

Þessi er algjört æði! Ég get ekki hætt að borða hana þegar ég byrja. Alveg hægt að nota hvaða skyrbragð sem maður vill. Ég hef bæði gert með jarðarberjaskyri og bláberjaskyri. Ætla svo að prófa vanilluskyr og ferskjuskyr, namminamm!!

Skyrterta m/ jarðarberjum

botn:
1 pk Homeblest kex
2-3 msk smjör, brætt

Kexið er mulið og brætt (kælt) smjör hrært saman við. Mylsnunni þrýst í botn á djúpu formi

1 stór dós jarðarberjaskyr
1/2 dl sykur
2 egg
1 tsk vanillusykur
5-6 matarlímsblöð
1 peli rjómi
örlítil mjólk

Eggin eru þeytt og hrærð með sykrinum og sett í skál. Rjóminn þeyttur. Matarlímið er lagt í bleyti í kalt vatn og látið linast. Síðan er vatnið kreist úr því og það brætt í vatnsbaði. Látið kólna smástund. Skyrið er hrært og eggjablöndunni blandað saman við. Örlítilli mjólk og vanilludropum er hrært út í matarlímið svo hitastig þess verði fingurvolgt. Þá er því hrært varlega út í skyrblönduna. Síðan er rjóminn hrærður (með sleikju) saman við og blöndunni hellt yfir kexmylsnuna í forminu og látið stífna í ísskáp í nokkra klukkutíma. Skreytt með jarðarberjum (og bláberjum).


07 febrúar 2004

Bollur með gráðosti og hnetum

1 dl hveitiklíð
1 dl heilhveiti
5 dl hveiti
3 ½ tsk þurrger
1 tsk salt
100 gr blandaðir hnetukjarnar
3 dl volgt vatn
2 msk olía
4 msk kotasæla eða skyr
100 gr gráðostur
1 tsk salt

1. Takið frá 1 dl af hveiti og setjið á disk til að nota síðar.
2. Blandið öllum þurrefnunum saman í skál og gerinu líka.
3. Saxið hnetukjarnana og blandið þeim út í þurrefnin.
4. Blandið því næst saman vatni og olíu og myljið gráðostinn út í og setjið kotasæluna/skyrið saman við og hrærið.
5. Hnoðið og bætið hveitinu sem tekið var frá saman við eftir þörfum og hnoðið deigið þar til það sleppir bæði hönd og borði.
6. Setjið það aftur í skálina og setjið hana í heitt vatnsbað í eldhúsvaskinn og látið hefast í c.a. 15 mínútur.
7. Hvolfið deiginu aftur á borðið, þrýstið loftinu úr því og hnoðið og mótið litlar bollur, penslið þær með eggi og bakið í 20 mínútur við 200°c.


Döðlubrauð


100 gr döðlur
2 dl vatn
40 gr smjör
200 gr hveiti
160 gr púðursykur
1 tsk lyftiduft
1 egg

1. Vatn er hitað að suðu með smjöri, döðlum er blandað saman við.
2. Setjið í hrærivélarskál og vinnið vel saman þar til kekkir eru farnir.
3. Egg er sett út í ásamt hveiti, púðursykri og lyftidufti, vinnið vel en rólega saman þar til deigið er orðið slétt og fínt.
4. Bakið við 180°c í ca. 35-40 mínútur í 28 cm formi.


Ostavalhnetubrauð

4 dl volg mjólk
50 gr pressuger eða 5 tsk þurrger
7 dl hveiti
1 ½ dl heilhveiti
1 tsk salt
50 gr valhnetukjarnar í bitum
75 gr sterkur ostur, gróft rifinn
1 ½ msk matarolía
egg, mjólk eð vatn til penslunar

1. Myljið pressugerið út í mjólkina og látið standa óhreyft í 5-10 mínútur.
2. Blandið saman hveiti (takið frá 1 dl til að hnoða upp í deigið á eftir), heilhveiti, salti, valhnetum og osti.
3. Hrærið upp í gerblöndunni með sleif og hellið út í þurrefnin ásamt matarolíunni. Hrærið deigið vel með sleifinni.
4. Látið deigið hefast (tvöfaldast) í skál á hlýjum stað í eina klukkustund.
5. Hnoðið deigið, notið afganginn af hveitinu ef þörf er á. Mótið 32 jafnstórar bollur og raðið þeim í ofnskúffu þannig að þær myndi kringlótt brauð.
6. Breiðið yfir deigið og látið hefast (tvöfaldast) á hlýjum stað í hálftíma. Penslið bollurnar og bakið í miðjum ofni við 225°c í 10-15 mínútur.


Lárviðarbollur

1 ½ dl heilhveiti
5 dl hveiti
3 msk sesamfræ
1 tsk salt
3 tsk þurrger
1 msk hunang
1 msk olía
2 ½ dl volgt vatn
Lárviðarlauf til skreytingar
Örlítið af olíu
Vatn til penslunar

1. Blandið öllu saman, hrærið og hnoðið.
2. Látið lyfta sér við yl í ca. 20 mínútur, gjarnan í volgu vatnsbaði í vaskinum.
3. Deigið hnoðað aftur og mótað í 20 bollur.
4. Penslið lárviðarlaufin með olíu og stingið einu laufi í hverja bollu.
5. Penslið bollurnar með vatni og látið þær lyfta sér við yl í 20 mínútur.
6. Bakið þær við 220°C i ca. 15 mínútur.

Möndlulengja

400 gr hveiti
5 tsk þurrger
1 ½ dl vatn
1 dl matarolía
1 egg
3 msk sykur
2 tsk kardimommur
½ tsk salt

Fylling:
Söxuð epli
Marsipan
Möndlur
Súkkulaði
Rúsínur
Vanillubúðingur

Ofan á:
Eggjablanda
Grófur sykur
Möndlur ef vill

1. Byrjið á því að taka frá 1 dl af hveiti og geymið á diski til hliðar.
2. Blandið saman ylvolgu vatni, matarolíu og eggi.
3. Setjið þurrefnin í skál, hellið íbleytinu saman við og hrærið og hnoðið, bætið við hveitinu sem tekið var frá, eftir þörfum.
4. Setjið aftur í skálina og skálina í heitt vatnsbað í eldhúsvaskinn.
5. Látið hefast í 10-15 minútur.
6. Hnoðið aftur, skiptið deiginu í tvennt, fletjið út í tvær lengjur og setjið fyllingu eftir miðjunni á lengjunum og lokið eins og um vínarbrauð væri að ræða.
7. Bakið í miðjum ofni við 200°C í ca 20 mínútur.

Þegar kemur að því að setja fyllinguna á lengjuna er það val hvers og eins hvað hann notar af því sem er gefið upp. Hægt er að nota þetta allt eða bara það sem maður vill hverju sinni.
Gott getur verið að pensla lengjuna með matarolíu áður en fyllingin er sett inn í hana en passið að pensla ekki kantana því þá er erfitt að loka lengjunni.

Fallegt er að pensla lengjuna með eggi eða eggjablöndu og strá grófum sykri og söxuðum möndlum yfir.



This page is powered by Blogger. Isn't yours?